واشنگٹن۔14اپریل(اے پی پی):عالمی بینک اتے بین الاقوامی مالیاتی فنڈ ( آئی ایم ایف) دے موسم بہار دے سالانہ اجلاس دے موقع تے پاکستانی وفد عالمی بینک دے ملٹی لیٹرل انویسٹمنٹ گارنٹی ایجنسی نال میٹنگ کیتی۔ پاکستانی وفد سیکرٹری خزانہ حامد یعقوب شیخ اتے سیکرٹری اقتصادی امور ڈویژن ڈاکٹر کاظم نیاز تے گورنر سٹیٹ بینک جمیل احمد تے مشتمل ہے، جݙاں جو امریکا اچ پاکستانی سفیر مسعود خان وی معاونت کریندے پئن، پاکستانی وفد عالمی بینک دے ملٹی لیٹرل انویسٹمنٹ گارنٹی ایجنسی کوں ملکی اقتصادی صورتحال اتے درپیش چیلنجزبارے ݙسایا ۔ وفد کلی معیشت دے استحکام اتے پائیدار اقتصادی نمو کیتے موجودہ حکومت دی طرفوں چاتے ڳئے اقدامات بارے ݙسایا ۔ واضح رہے جو وزیر خزانہ سینیٹر محمد اسحاق ڈار عالمی بینک اتے آئی ایم ایف دے سالانہ اجلاس دے موقع تے تھیوݨ آلی میٹنگز اچ اسلام آباد توں ورچوئل شرکت کریندے پئن۔
