اسلام آباد – 29 – جولائي (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار دولت مشترڪه جي سيڪريٽري جنرل پيٽريشيا اسڪاٽ لينڊ جو پرڏيهي وزارت اچڻ تي استقبال ڪيو. پرڏيهي آفيس پاران جاري بيان موجب ملاقات دوران پاڪستان ۽ دولت مشترڪه جي وچ ۾ تعاون جي شعبن بشمول ڪلائميٽ ريزيلينس، پائيدار ترقي، عورتن ۽ نوجوانن کي بااختيار بڻائڻ، تعليم ۽ صلاحيت وڌائڻ تي خيالن جي ڏي وٺ ڪئي ويندي. دولت مشترڪه جي سيڪريٽري جنرل پيٽريشيا اسڪاٽ لينڊ پاڪستان حڪومت جي دعوت تي 28 جولاءِ کان 2 آگسٽ تائين پاڪستان جي پهريون سرڪاري دورو تي آهي. دولت مشترڪه جي سيڪريٽري جنرل پنهنجي 5 ڏينهن جي دوري دوران پاڪستان جي قيادت، ڪابينا جي ميمبرن، يوٿ ليڊرز، سول سوسائٽي جي نمائندن ۽ ٻين ڌرين سان ملاقاتون ڪندي.
.jpg)
