اسلام آباد، نیویارک۔24ستمبر (اے پی پی):وزیر خارجہ مخدوم شاہ محمود قریشی نیویارک اچ اقوام متحدہ دی جنرل اسمبلی دے اجلاس دے موقع تے امریکی سینیٹ دی خارجہ تعلقات کمیٹی دے رینکنگ ممبر ریپبلکن سینیٹر جیمز رِش نال ٹیلیفونک رابطہ کیتے۔جمعہ کوں ترجمان دفترخارجہ موجب وزیر خارجہ ، پاکستان دی طرفوں، امریکا دے نال وسیع البنیاد ، سٹریٹجک شراکت داری دی خواہش دا اعادہ کیتے جیڑھا جو ݙو پاسے تے علاقائی حوالے نال ݙوہیں ملکاں دے مشترکہ مفادات کوں اڳوں ودھاوݨ اچ معاون ثابت تھیسی ۔وزیر خارجہ علاقائی روابط، ݙوطرفہ تجارت اتے اقتصادی تعاون کوں ودھاوݨ دی اہمیت تے زور ݙتے ۔وزیر خارجہ افغانستان اچ ھک جامع سیاسی تصفیے دے حصول کیتے کوششاں جاری رکھݨ دے عزم دا اظہار کیتے تے آکھیے جو افغانستان اچ ھک مستحکم اتے وسیع البنیاد حکومت دی لوڑھ اے تاں جو بین الاقوامی دہشت گرد گروہ، افغان سرزمین دا ولا کݙاہیں استحصال نہ کر سڳئن ۔
