اسلام آباد – 17 آگسٽ (اي پي پي) پاڪستان پيپلزپارٽي جي چيئرمين بلاول ڀٽو زرداري چيو آهي ته عمران خان ڪنهن هڪ پارٽي جو نه پر پوري ملڪ جو وزيراعظم آهي، اميد آهي ته وزيراعظم طور عمران خان ملڪ جي عوام جا مسئلا حل ڪندو، قومي اسيمبلي ۾ پنهنجي خطاب ۾ بلاول ڀٽو زرداري چيو ته افسوس سان چوڻو پئجي رهيو آهي ته اڄ منهنجي پهرين تقرير آهي پر ٻن وڏين پارٽين جيڪو منظر پيش ڪيو ان کي پاڪستان جي عوام پسند ناهي ڪيو، حڪومت ۾ آيل پارٽي جو احتجاج به ڪو سٺو نه هو، هن چيو ته آئون الله تعاليٰ جو شڪر گذار آهيان جو هن ايوان جو ميمبر چونڊيو آهيان، هي ايوان بالادست ادارو آهي ۽ سڀني ادارن جي ماءُ جو درجو رکي ٿو.
