مڪه مڪرمه _ 11 جون (اي پي پي ) سعودي عرب جي سڌ سماءَ واري وزير سلمان بن يوسف الدوسري سومر ڏينهن تي حج ميڊيا حب قدم جي پهرين ورزن جو افتتاح ڪيو . اهو سينٽر 10 کان 16 جون تائين مڪه مڪرمه ۾ وزارت سان گڏ اسٽريٽجڪ شراڪت داري سان قائم ڪيو ويو آهي . اهو حج ۽ عمره ۽ حاجين جو تجربه پروگرام آهي . ان مرڪز جو قيام ميڊيا جي تبديلي جي سال جي قدم جو حصو آهي ، جنهن جو اعلان ميڊيا جي وزير 3 مهينا اڳ ٽين سالياني سعودي ميڊيا فورم ۾ ڪيو هو . حج ميڊيا حب جو مقصد ميڊيا پرسنز کي حج سيزن 1445 هجري دوران ڪوريج مڪمل ڪرڻ ۾ مدد فراهم ڪرڻ لاءِ هڪ مربوط ميڊيا ماحول فراهم ڪرڻ آهي . 150 کان وڌيڪ مقامي ، عرب ، اسلامي ۽ عالمي ميڊيا آئوٽ ليٽس ۽ 1،500 کان وڌيڪ مقامي ۽ عالمي ميڊيا پروفيشنلز جي حب جي خدمتن مان فائدو حاصل ڪرڻ جي توقع آهي . ان مرڪز کي 11 سهڪاري ميڊيا ايرياز جي قيام ، حاجين کي فراهم ڪيل خدمتن تي روشني وجهندڙ انٽرايڪٽو ميڊيا نمائش ، نيوز ڪانفرنسن لاءِ هڪ هيڊ ڪوارٽر ، مربوط خدمتن سان گڏ هڪ ميڊيا سينٽر ، مختلف اسٽوڊيوز ، ميڊيا مواد سڌي ريت جاري ڪرڻ لاءِ گاڏيون ۽ ان جهڙيون ٻيون سهولتون مهيا ڪيون ويون آهن . ورچوئل پريس سينٽر جتي هڪ خصوصي ٽيم هڪ انٽرا ايڪٽو اسڪرين ذريعي مواد پيش ڪرڻ ۾ حصو وٺندي ۽ 24 ڪلاڪ مسلسل اپ ڊيٽس ۽ خدمتون فراهم ڪندي آهي . اهو مرڪز 2 مقدس مسجدن ۽ ان جي پانڌيئڙن جي خدمت لاءِ فراهم ڪيل نمايان ترين منصوبن ۽ ڪاميابين ۽ مقدس هنڌن تي مستقبل جي منصوبن کي به بيان ڪري ٿو .
