والاريل بيت المقدس -07 نومبر (اي پي پي) فلسطين اسرائيل جي ثقافت واري وزير جي غزه تي ايٽم بم ڪيرائڻ وارن بيانن جي سخت لفظن ۾ مذمت ڪندي چيو آهي، ته اسرائيل جو وزير غزه کي نئين هيروشيما طور ڏسڻ چاهي ٿو. سعودي خابرو اداري مطابق فلسطين جي وزيراعظم محمد اشتيا گذريل ڏينهن هڪ تقرير م چيو هو ته اسرائيل جو وزير غزه کي هيروشيما طور ڏسڻ چاهي ٿو. هن چيو ته غزه ۾ ايمبولينسن کي دنيا آڏو بمباري جو نشانو بڻايو پيو وڃي. هن عالمي برادري کي غزه پٽي ۾ جنگ روڪرائڻ لاءِ فوري قدم کڻڻ جو مطالبو ڪيو. هن عالمي فوجداري عدالت کان اسرائيل جي حڪومت خلاف ڪيس هلائڻ جو مطالبو ڪندي گڏيل قومن کان غزه ۾ هزارين معصوم ٻارن جي موت بعد ٻارڙن جو ڏينهن ملهائڻ کي ملتوي ڪرڻ جو مطالبو ڪيو آهي. هن ان ڳالهه تي زور ڀريو ته غزه فلسطين جو اڻٽٽ حصو آهي.
