وزیرِ اعظم ارشد ندیم دی پیرس اولمپکس اچ پرفارمنس کوں براہ راست ݙٹھے، طلائی تمغہ جتݨ تے پوری قوم کوں مبارخ

2025-03-05 17:44:47

اسلام آباد۔9اگست (اے پی پی) وزیرِ اعظم محمد شہباز شریف رات ڳئے پاکستانی جیولن تھرو ایتھلیٹ، ارشد ندیم دی پیرس اولمپکس اچ پرفارمنس کوں براہ راست ݙٹھا اتے ترائے ݙہاکیاں بعد اولمپکس مقابلیاں اچ طلائی تمغہ جتݨ تے پوری قوم کوں مبارخ ݙتی۔ جمعے کوں وزیراعظم آفس دے میڈیا ونگ توں جاری بیان موجب وزیرِ اعظم ارشد ندیم دی شاندار جت اتے جیولن تھرو اچ نواں اولمپکس ریکارڈ ٻݨاوݨ تے پاکستان زندہ باد دا نعرہ لاتا۔ وزیراعظم ترائے ڈھاکیاں بعد اولمپکس مقابلیاں اچ تمغہ جتݨ تے پوری قوم کوں مبارخ ݙتی۔ وزیراعظم آکھیا جو اللہ دے فضل تے کرم نال جیڑھی فصل بطور خادم اعلیٰ پنجاب یوتھ فیسٹیول نال تھئی، اوندے شاندار اثرات دنیا اچ پاکستان دا ناں اُچا کریندے پئن۔ میݙے کیتے اے فخر دی ڳالھ اے جو ارشد ویں سویں باصلاحیت نینگر کوں دریافت کرݨ کیتے اللہ رب العزت میں ناچیز کوں وسیلہ ٻݨائے۔ انہاں آکھیا جو ارشد ندیم پوری پاکستانی قوم کوں ٻہوں سوھݨا تحفہ ݙتے۔

مضمون کا ماخذ : estratégias para lotomania

متعلقہ مضامین