لاہور۔11ستمبر (اے پی پی) وفاقی وزیر خزانہ مفتاح اسماعیل آکھیا جو حکومت کلھیں ملک اچ چھل پاروں تھیوݨ آلے نقصان تے قابو نی پا سڳدی، متمول لوکاں کوں عوام دی مدد کیتے اڳوں آوݨا پوسی۔ اے ڳالھیں انہاں آݙت وار کوں گورنر ہاؤس لاہور اچ صنعتکاراں اتے تاجراں دے وفد نال ملاقات اچ آکھی۔ وفاقی وزیر برائے اقتصادی امور سردار ایاز صادق وی انہاں نال ہن۔ وفد اچ تاجراں اتے صنعتکاراں اچ شہزاد سلیم، شاہد عبداللہ، عارف سعید، خالد آفریدی،فواد مختیار،فاروق نسیم، زبیر این چٹھہ، عرفان اقبال شیخ، عباس مختیار،میاں کاشف فاروق،مظفر پراچہ، مراد سہگل اتے عدنان آفتاب شامل ہن۔ وفاقی وزیر خزانہ آکھیا جو ایں موقع تے اعلان کیتا جو تاجراں تے مشتمل کمیٹی ٻݨائی ویسی جئیں اچ لاہور اتے فیصل آباد دے تاجر شامل ہوسن اتے او ڳھٹ توں ڳھٹ فلڈ فنڈ کیتے ݙو ارب روپے کٹھے کریسن۔ اساں فلڈ فنڈ دا انٹرنل اتے بین الاقوامی آݙٹ کرویسوں۔ چھل متاثرین کیتے امدادی رقم دا ہک ہک روپے دا حساب رکھیا ویسی۔
