اسلام آباد۔17فروری (اے پی پی) وزیراعظم دے مشیر برائے پارلیمانی امور ڈاکٹر بابراعوان آکھیا جو وکلا عوام کوں سستے اتے فوری انصاف کیتے آپݨا کردار ادا کرن، انہاں آکھیا جو وکلا سودھے معاشرے دے بئے لوک آپݨی انفرادی ذمہ واریاں کوں نبھاون تاں ریاست دا کم ادھا رہ ویندے، وکلا چیلنجز دے باوجود اصولاں تے رہون۔ خمیس کوں اسلام آباد بار ایسوسی ایشن دے منتخب صدر، سیکرٹری اتے ایگزیکٹو ارکان نال ملاقات اچ ڳالھ مہاڑ کریندیں ہوئیں ڈاکٹر بابر اعوان آکھیا جو وفاقی دارالحکومت اسلام آباد اتے جاڑے شہر راولپنڈی سوھے ملک اچ ݙو لکھ توں ودھ وکیل کم کریندے پئن۔ وزیراعظم دے حکم تے ملک دے ہر بندے تئیں یونیورسل ہیلتھ انشورنس سکیم دے تحت قومی صحت کارڈ پڄایا ویندا پئے۔ اساں ساریاں دی ذمہ واری اے جو اساں عام بندے تئیں ایں سہولت پڄاوݨ کیتے آپݨا کردار ادا کروں۔
