استنبول۔13دسمبر (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ پاکستان اتے ترکیہ وچال سانجھی دستاویزای فلماں ٻݨاوݨ اتے سانجھی نشریات دی تجویز پیش کریندیں ہوئیں آکھیا جو …. پاکستان اتے ترکیہ اچ ٻہوں ٹیلنٹ موجود اے، پاکستان اچ ترکیہ دے ڈرامے اتے دستاویزی فلماں ٻہوں پسند کیتی ویندن۔ اے ڳالھ انہاں ترکیہ دے قومی ٹی وی چینل ”ٹی آر ٹی ورلڈ“ ہیڈ کوارٹرز دے دورہ دے موقع تے ڈائریکٹر جنرل انٹرنیشنل براڈ کاسٹ عمر فاروق تنیویردی نال ملاقات اچ آکھی۔ ملاقات اچ ݙوہیں ملکاں وچال میڈیا تعاون، سانجھی دستاویزی فلماں ٻݨاوݨ اتے سیاحت دے ودھارے سودھے آپسی دلچسپی دے معاملیاں تے ڳالھ کیتی ڳئی۔ وفاقی وزیر اطلاعات آکھیا جو پاکستان ترکیہ نال برادرانہ تعلقات کوں ٻہوں قدر نال ݙیکھدے۔ انہاں آکھیا جو ترکیہ دی حکومت نال ڈرامے، دستاویزی فلماں دی سانجھی پروڈکشن بارے معاہدے اساݙے سٹریٹجک فریم ورک دا حصہ ہن۔ گرمائی اولمپکس اچ 92.97 میٹر دا جیولین تھرو دا ریکارڈ ٻݨاوݨ آلے پاکستانی نوجوان ارشد ندیم دا ذکر کریندیں ہوئیں وفاقی وزیر آکھیا جو ارشد ندیم ہک ٻہوں متاثر کن کہانی اے۔ اساں ایجھے لوکاں تے دستاویزی فلماں ٻݨا سڳدوں۔ پاکستان اچ شندور پولو فیسٹول بارے ڳالھ کریندیں ہوئیں انہاں آکھیا جو شندور پولیو فیسٹویل نہ صرف سیاحت اتے ثقافت بلکہ کھیݙاں دے ودھارے دا باعث اے۔ وفاقی وزیر اطلاعات ٹی آر ٹی ورلڈ اتے پاکستان ٹیلی ویژن دی سانجھی نشریات دی وی تجویز پیش کیتی۔ انہاں آکھیا جو پاکستان اچ ترکیہ دے ڈرامے اتے دستاویزی فلماں ٻہوں پسند کیتی ویندن۔ملاقات اچ بھارت دے غیر قبضے جموں تے کشمیر دے معاملے کوں اجاگر کرݨ بارے وزیراطلاعات کشمیر اچ تھیوݨ آلے ظلم تے ڈیجیٹل دستاویزی فلماں ٻݨاوݨ دی لوڑھ تے زور ݙتا۔ وفاقی وزیر اطلاعات عطاءاللہ تارڑ ٹی آر ٹی ورلڈ دے مختلف شعبیاں دا دورہ کیتا۔
.jpg)
