اسلام آباد۔18اکتوبر(اے پی پی)صدر مملکت ڈاکٹر عارف علوی ریکوڈک ریفرنس سپریم کورٹ اچ دائر کر ݙتے۔ ریفرنس نال عدالت توں غیر ملکی کمپنی نال معاہدے بارے رائے ڳھدی ویسی۔ وفاقی حکومت ریکوڈک ریفرنس منظور کیتا ھا، وزیر اعظم دی ایڈوائس تے صدر ریفرنس سپریم کورٹ اچ دائر کیتے۔ سپریم کورٹ توں رائے ماضی دے عدالتی فیصلے سانڳے منڳی ڳئی اے کیوں جو بین الاقوامی کمپنی معاہدے اچ قانونی تحفظ دی شرط رکھی ہئی۔ 30 ستمبر کوں وزیر اعظم محمد شہباز شریف دی زیر صدارت وفاقی کابینہ دا اجلاس تھیا جیندے اچ وفاقی کابینہ ریکوڈک تے ریفرنس سپریم کورٹ بھیڄݨ دی منظوری ݙتی ہئی۔
