اسلام آباد۔19اپریل (اے پی پی):سپیکر قومی اسمبلی سردار ایاز صادق آکھیے جوعدالتاں اچ زیر سماعت مقدمیں کوں زیر بحث نی گھن آیا ونڄ سڳدا ۔ قومی اسمبلی اچ بیرسٹر گوہر علی خان دی طرفوں چاتے ڳئے نکتے دے جواب اچ انہاں آکھیے جو اپوزیشن دی طرفوں اجلاس دی ریکوزیشن جمع کرائی ڳئی ہئی ، ایندے اچ جنہاں امور تے بحث دا مطالبہ کیتا ڳیا ہئی او عدالتاں اچ زیر سماعت ہن ایں سانڳے انہاں تے اتھاں بحث نی کیتی ونڄ سڳدی تاں جو ریکوزیشن دے بعد 14 ݙینھ دے اندر اجلاس سݙݨ ضروری ہوندے اساں اجلاس ایں توں پہلے سݙ ڳھدے۔
