اسلام آباد۔18مارچ(اے پی پی):صدر مملکت آصف علی زرداری امریکی کاروباری اداریاں کوں آکھیے جو او پاکستان سٹاک ایکسچینج اچ سرمایہ کاری کرݨ سودھا ملکی معیشت اچ جدید کاروباری آئیڈیاز دو توجہ ݙیواوݨ، ساکوں باہمی تعاون دیان نویاں راہیں کھولݨیاں ہوسن۔ او اسلام آباد اچ امریکہ دے سفیر ڈونلڈ بلوم نال ایوان صدر اسلام اباد اچ ملݨ ویلھے الیندے پئے ہن۔ صدر مملکت پاک امریکا تعلقات ٻئے تکڑے کرݨ تے زور ݙیندے آکھیے جو پاکستان دی ترجیح معیشت کوں سیدھا کرݨ اے، اقتصادی و سکیورٹی چیلنجز تے قابو پیسوں۔ امریکی سفیر ڈونلڈ بلوم آکھیے جو ݙوطرفہ تجارت و سرمایہ کاری، موسمیاتی تبدیلی، قابل تجدید توانائی، زراعت و سکیورٹی دے شعباں اچ ڳانݙھا ودھایا ونڄ سڳدے، امریکہ پاکستان دے تعلیمی شعبے کوں تکڑا کرݨ کیتے موسمیاتی لحاظ نال لچکدار سکول ٻݨاوݨ کیتے سندھ بیسک ایجوکیشن پروگرام مکمل کیتے۔
