اسلام آباد۔18جنوری(اے پی پی)نگران وفاقی وزیر آئی ٹی و ٹیلی کمیونیکیشن ڈاکٹر عمر سیف سوئٹزرلینڈ اچ پاکستانی پروفیشنلز نال ملین۔ ملاقات اچ ڈاکٹر عمر سیف ڄڳ اچ مقیم پاکستانیاں دے تجربات توں فیدہ چاوݨ کیتے ہک منظم فریم ورک ڳولݨ دی لوڑھ تے زور ݙتے۔ انہان ڈیووس اچ سیلز فورس پویلین دا وی دورہ کیتے۔ وفاقی وزیر ڈاکٹر عمر سیف ویون دے چیئرمین ترزیاولو نال وی ملین، ملاقات اچ سی ای او جاز عامر ابراہیم وی ہن۔ ٻئے پاسو نگران وزیر انفارمیشن ٹیکنالوجی ڈیووس اچ بیماریاں دی نگرانی بارے سی ای پی آئی-گلوبل فنڈ-آئی کیو وی آئی اے سیشن نال خطاب کریندے ڈینگی، کووڈ اتے ٹی بی سودھا بیماریاں دی نگرانی کیتے ٹیکنالوجی دے استعمال تے پاکستان دے کم دا ݙسائے۔ ملاقات اچ ڈی جی افریقہ سی ڈی سی ڈاکٹر جین کاسیا، سی ای پی آئی دے سی ای او رچرڈ ہیچیٹ، گلوبل فنڈ دے سی ای او پیٹر سینڈز اتے ٻنھاں سودھا صحت عامہ دے کئی عالمی رہنما موجود ہن۔ نگران وفاقی وزیر ڈاکٹر عمر سیف کریپٹو پویلین دا وی دورہ کیتے۔
