کراچی ۔23ستمبر(اے پی پی) نگران وفاقی وزیر اطلاعات و نشریات مرتضیٰ سولنگی ہفتے کوں اتھاں آرٹس کونسل آف پاکستان کراچی دا دورہ کیتا۔ آرٹس کونسل دے صدر احمد شاہ نگران وفاقی وزیر اطلاعات دا آرٹس کونسل پڄݨ تے استقبال کیتا۔ نگران وفاقی وزیر اطلاعات آرٹس کونسل دے صدر احمد شاہ دی فن وثقافت دے ودھارے کیتے خدمات دی تعریف کریندے ہوئیں آکھیے آرٹس کونسل پاکستان دا ساریں توں وݙا ثقافتی ادارہ بݨ چکیے ، ملک اچ فنون اتے ثقافت دے ودھارے کیتے آرٹس کونسل اتے احمد شاہ دا کردار لائق تحسین اے۔ نگران وفاقی وزیر اطلاعات آرٹس کونسل دی عمارت اچ قائم مختلف شعبہ جات دا دورہ وی کیتے۔
.jpg)
