اسلام آباد۔9نومبر (اے پی پی) وفاقی وزیر اطلاعات تے نشریات مریم اورنگزیب آکھیا جو وزیراعظم شہباز شریف دا دورہ مصر ٻہوں کامیاب رہیے، موسمیاتی تبدیلیاں دے تباہ کن اثرات بارے کاپ 27 کانفرنس پاکستان کیتے وݙی نتیجہ خیز رہی اے۔ پہلی واری موسمیاتی تبدیلی پاروں نقصانات اتے تباہی کوں ترقی پذیر ملکاں دے مالیاتی دباؤ اچ ودھارے پاروں منیا ڳے۔ پہلی مرتبہ ترقی پذیر ملکاں دے نقصانات دے ازالے کیتے مالی وسائل دی فراہمی تے عالمی اتفاق رائے تھیے۔ ہک پاسے عوامی خدمت تھیندی پی اے اتے ݙوجھے پاسوں ہک بندہ انتشار، فساد، جلاؤ گھیرائو اتے فتنے اچ مصروف اے۔ بدھ کوں آپݨے بیان اچ انہاں آکھیا جو ہک بندہ چھل متاثرین کوں ٹھڈ، بیماریاں، بکھ اتے بیماری توں بچݨ کیتے جدوجہد کریندا پے اتے ݙوجھے پاسوں او فسادی فتنہ اے جیڑھا سڑکاں بند کر تے بیمار ٻالاں اتے ایمبولینسز کوں ہسپتال پجݨ تے رکاوٹ ٻݨیا پے۔ مریم اورنگزیب آکھیا جو ہک بندہ پاکستان دی معیشت کوں تباہی دے ٻنے توں واپس ڳھن آئے اتے معاشی بنیاداں کوں مضبوط کریندا پے اتے ݙوجھے پاسوں، دھرنے ، ٻھاہ لا ݙیو، مار ݙیو، مرونڄو ، جلاؤ گھیراؤ دا ماسٹر مائنݙ اے۔
.jpg)
