اسلام آباد۔11مئی(اے پی پی)وفاقی وزیر اطلاعات و نشریات چوہدری فواد حسین آکھیے جو حدیبیہ پیپر ملز کیس تقریباً 1242 ملین روپے دے فراڈ دی کہانی اے جیڑھی پاناما پیپرز کیس توں وی وݙی اے، نواز شریف دے ݙوہیں پتر حسن حسین، شہباز شریف اتے حمزہ شہباز وی ایں کیس دے مرکزی کردار ہین، مقدمے اچ کڄھ نویں حقائق سامݨے آئن جیندے تے نویں تفتیش دا فیصلہ کیتے۔ حدیبیہ پیپرز ملز دے خلاف کیس دی تفصیلات ݙسیندے وفاقی وزیر اطلاعات و نشریات چوہدری فواد حسین آکھیے جو اسحاق ڈار ایں فراڈ اچ شریف خاندان کی??ے فارن کرن??ی دے جعلی بے نامی اکائونٹس کھلوائن، پکڑیڄݨ تے وعدہ معاف گواہ بݨین اتے اپݨا بیان وی ریکارڈ کروائے بھل بعد اچ مکر ڳین۔ انہاں آکھیے جو کیس دی تحقیقات اچ کھلیے جو اچانک کمپنی دے کھاتے اچ وݙیان وݙیاں رقماں آئن، ملز انتظامیہ میاں محمد شریف، شمیم اختر، نواز شریف، شہباز شری??، عباس شریف، مریم صفدر، صبیحہ عباس، حسین نواز اتے حمزہ شہباز دیان تجوریاں اچ وݙا غیرقانونی سرمایہ موجود ہا جنہاں دھوکے نال فارن کرن??ی دے مختلف جعلی اکائونٹس کھولین اتے اپݨا مال جمع کرائے، اے راز کھلݨ تے انہاں اپݨا مال حدیبیہ پیپر ملز دے اکائونٹس اچ ٹی ٹیز تے ٻھیڄن، 1242.732 ملین روپے اچانک شریف فیملی دا ترکہ بݨین بھل پہلے پرویز مشرف نال این آر او اتے بعد اچ 09۔ 2008 اچ پی پی نواز مک ??کا پاروں اے کیس رکوا ڳھدا ڳئے اتے بغیر کہیں ٹرائل دے پہلے لاہور ہائیکورٹ اتے ول ریفری جج مقدمہ بند کرا ݙتے اتے ہک ݙینھ وی کیس دا ٹرائل نئیں تھیا، بعد اچ پانامہ کیس اچ اے راز وی کھلیے جو کیس بند کرݨ آلے جج دے وی بیرون ملک اثاثے ہین بھل انہاں دے خلاف وی کوئی کارروائی نئیں تھئی۔ انہاں آکھیے جو نویں حقائق آوݨ تؤں بعد امید اے جو عدلیہ انہاں ججاں دے خلاف وی کارروائی کریسی جئیں شریف فیملی کوں بچائے۔
