اسلام آباد۔15مارچ(اے پی پی) وزیرخزانہ و محصولات سینیٹر اسحاق ڈار آکھیے پاکستان دی ترقی ، خوشحالی اتے استحکام پارلیمانی نظام دے تسلسل اتے مالیاتی نظم و نسق وچ ہے ، سینیٹ آف پاکستان وفاق دی علامت اتے ساریاں اکائیاں اچ اتحاد و یکجہتی کیتے چنڳے کردار دا حامل اے ، سینیٹ دی گولڈن جوبلی دے موقع تے اساکوں انہاں صاحب بصیرت لیڈراں تے قانون سازاں کوں وی یاد رکھݨا چاہیدے جنہاں 1973 دا آئین ݙتا تے ایں اچ سارے صوبیں کوں سینیٹ اچ رقبہ اتے آبادی توں بالاتر تھی تے ھکو سویں نمائندگی ݙتی ۔ سینیٹ دی گولڈن جوبلی تقریبات دے سلسلے اچ منعقدہ خصوصی اجلاس توں خطاب کریندے ہوئیں وزیر خزانہ آکھیے سینیٹ دی 50 سالہ گولڈن جوبلی دی تقریبات دے موقع تے ڳالھ کرݨ میں کیتے اعزاز اے جݙاں جو ایں رنگا رنگ تقریب دے انعقاد تے چیئرمین سینیٹ اتے ٹیم وی مبارخ دی مستحق اے ۔
