اسلام آباد۔9اپریل (اے پی پی) وفاقی وزیر داخلہ شیخ رشید احمد آکھیا جو عدالت عظمیٰ دے فیصلے تے وی عمل تھیسی، جمہوری اتے سیاسی سوچ تے کم تھیسی۔ ملکی حالات وݙے تشویشناک ، گھمبیر اتے خوفناک ہن ایندا کوئی وہ نتیجہ نکل سڳدے۔ ہفتے کوں پارلیمنٹ اچ میڈیا نال ڳالھ مہاڑ کریندیں ہوئیں شیخ رشید احمد آکھیا جو کڄھ عقل دے اندھے دیوار دے پچھوں ݙیکھݨ دی صلاحیت نی رکھیندے، اقتدار دے بُکھے دے خلاف فرد جرم لڳݨی ہئی جیڑھے جو مختلف کیسز اچ ملزم ہن اتے ݙوہیں وزیراعظم اتے وزیراعلیٰ دے امیدوار ہن۔ انہاں آکھیا عمران خان دی مقبولیت ودھ ڳئی اے، عوام مہانگ کوں ٻھل تے عمران خان نال کھڑی اے۔
