اسلام آباد۔21مارچ (اے پی پی)پورے ملک توں چووی گھنٹے اندر کورونا وائرس دے105نویں کیس رپورٹ تھئن جنہاں اچوں 18 مریضاں دی حالت تشویش ناک اے۔منڳل کوں قومی ادارہ صحت(این آئی ایچ)دی طرفوں جاری اعدادوشمار موجب پورے ملک اچ چووی گھنٹے اندر کورونا وائرس دے 3ہزار768 ٹیسٹ کیتے ڳن جنہاں اچوں 105 لوکاں دے ٹیسٹ مثبت آئے ، مثبت شرح2.79فیصد رہی اتے ایں دوران کورونا وائرس توں کوئی مریض جاں بحق نی تھیا تاں جو 18 دی حالت تشویشناک اے۔گزریل 24 گھنٹے اچ ملک دے وکھو وکھ شہراں اچ کیتے ڳئے کورونا ٹیسٹ تے مثبت کیسز دے حوالے نال لاہوراچ 640 اچوں 27 لوکاں دے ٹیسٹ مثبت آئے تے اتھاں شرح 4.22 فیصد رہی، ایویں اسلام آباد اچ186 اچوں 18 لوکاں دے ٹیسٹ مثبت آئے اتے شرح 9.68 فیصد رہی۔
