اسلام آباد۔6ستمبر(اے پی پی) نگران وزیرِ اعظم انوار الحق کاکڑ آکھیے حکومت کراچی دے تاجراں دے مسئلے حل کریسی ۔ وزیراعظم آفس دے میڈیاونگ توں جاری بیان موجب اے ڳالھ انہاں گورنر سندھ کامران خان ٹیسوری نال ملاقات اچ آکھی اے ۔ ملاقات اچ گورنر سندھ وزیرِ اعظم کوں صوبہ سندھ دے انتظامی امور اتے امن و امان دے حوالے نال تفصیلی طور تے ݙسائے ۔ ملاقات اچ گورنر سندھ وزیرِ اعظم کوں کراچی دے تاجراں اتے کراچی چیمبر آف کامرس دی طرفوں بجلی دے نرخاں دے حوالے نال تجویزاں پیش کیتن ۔وزیرِ اعظم گورنر سندھ دا شکریہ ادا کیتے تے متعلقہ اداریں کوں انہاں دی تجویزاں دے حوالے نال تفصیلی مشاورت دی ہدایات جاری کیتن۔وزیراعظم آکھیے حکومت کراچی دے تاجراں دے مسئلے حل کریسی ۔ وزیرِ اعظم متعلقہ حکام کوں ہدایت کیتی جو کراچی چیمبر آف کامرس دی تجویز تے مشاورت توں بعد وختی رپورٹ پیش کیتی ویسی ۔
