اسلام آباد۔12اکتوبر(اے پی پی) وزیراعظم محمد شہباز شریف سیکا دے چھیویں سربراہی اجلاس اچ شرکت کیتے اڄ ٻدھ ہݨ توں کجھ دیر اچ قزاخستان کیتے روانہ تھیسن ۔ وزیراعظم آفس دے میڈیاونگ توں جاری بیان موجب وزیراعظم محمد شہباز شریف ایشیا اچ تعامل اتے اعتماد سازی دے اقدامات تے کانفرنس دے چھیویں سربراہی اجلاس اچ شرکت کیتے کجھ دیر اچ قزاخستان کیتے روانہ تھیسن ۔ وزیراعظم شہباز شریف 13،12 اکتوبر 2022 کوں قزاخستان دے دارالحکومت آستانہ اچ سیکا( CICA )دے چھیویں سربراہی اجلاس اچ شرکت کریسن ، کابینہ دے ارکان تے اعلی حکام تے مشتمل وفد وزیرِ اعظم دے رلے ہوسی۔ وزیراعظم 13 اکتوبر 2022 کوں سیکا دے اجلاس توں خطاب کریسن ۔ اومشترکہ چیلنجاں نال نبݨݨ کیتے ایشیاء دے ملکاں وچال ڳالھ مہاڑ افہام و تفہیم اتے تعاون کوں ودھاوݨ کیتے ھک منفرد فورم دے طور تے سیکا دی اہمیت کوں واضح کریسن ۔
