اسلام آباد۔10جون (اے پی پی):وفاقی حکومت آندے مالی سال 2022/23دے سرکاری شعبہ دے ترقیاتی پروگرام اچ داخلہ ڈویژن دی 28 جاری تے 8 نویاں سکیماں کیتے مجموعی طور تے 9093.009 ملین روپے رکھئن۔ جمعہ کوں جاری سرکاری شعبہ دے ترقیاتی پروگرام اچ 28 جاری ترقیاتی سکیماں کیتے 6792.454 ملین روپے جݙاں جو 08 نویاں سکیماں کیتے 2300.555 ملین روپے رکھئے ڳئن ۔ کورنگ بریج اتے پی ڈبلیو ڈی انڈر پاس اسلام آباد دی تعمیر سانڳے 200 ملین روپے ، ریلوے لائن سہالہ اسلام آباد اچ فلائی اوور دی تعمیر کیتے 250 ملین روپے ، ایچ- 16 اسلام آباد اچ ماڈل جیل دی تعمیر کیتے350 ملین روپے ، نیشنل فرانزک سائنس ایجنسی اتے اسلام آباد لیبارٹری دے قیام کیتے 500 ملین روپے تے سائبر کرائم فیز تھری سانڳے 100 ملین روپے ، اسلام آباد نیو انٹرنیشنل ایئر پورٹ تئیں میٹرو بس دی مرمت تے آپریشن مینجمنٹ کیتے 350 ملین روپے ، سائبر کرائم ونگ دی نویں سروں تعمیر کیتے 300 ملین روپے ، صوبہ سندھ اچ ریجنل پاسپورٹ دفتر دی تعمیر کیتے 450 ملین روپے ، ایڈیشن فمیلی سویٹس کیتے 50 ملین روپے سودھے ٻئے منصوبیں کیتے ودھ رقم رکھی اے ایویں جاری منصوبیں اچ بہارہ کہو توں فیض آباد میٹرو بس کیتے 50 ملین روپے ، روات توں فیض آباد میٹرو بس کیتے 1000 ملین روپے ،آئی سی ٹی اسلام آباد چائلڈ لیبر سروے کیتے 57.818 ملین روپے ، کری ریور یو سی کری، اسلام آباد برج دی تعمیر کیتے 20 ملین روپے ، فارن نیشنل سیکورٹی سیل ڈیش بورڈ اینڈ الائیڈ سہولتاں کیتے 80 ملین روپے ، نیشنل پولیس ہسپتال، اسلام آباد کیتے 350 ملین روپے رکھئے ڳئن۔
