اسلام آباد – 29 ڊسمبر (اي پي پي) اطلاعات ۽ نشريات واري مملڪتي وزير فرخ حبيب چيو آهي ته وزيراعظم عمران خان جي ڪاروبار دوست پاليسين جي ڪري پي ٽي آءِ حڪومت ۾ گذريل سال ڪارپوريٽ سيڪٽر کي 929 ارب جو نج منافعو ٿيو، ن ليگ جي دور ۾ 2018ع ۾ اهو منافعو 587 ارب روپيا هو، پنهنجي ٽوئيٽ ۾ مملڪتي وزير فرخ حبيب چيو ته پي ٽي آءِ حڪومت جي دوران ڪمپنين جي رجسٽريشن ۾ 44 سيڪڙو اضافي سان تقريبن 70 هزار نيون ڪمپنيون رجسٽرڊ ٿيون جڏهن ته ن ليگ جي 5 سالن جي دور ۾ 25 هزار 856 نيون ڪمپنيون رجسٽرڊ ٿيون هيون، هن چيو ته هلندڙ مالي سال جي پهرين ٽه ماهي ۾ انهن ڪمپنين کي 258 ارب روپيا منافعو ٿيو، فرخ حبيب چيو ته پي ٽي آءِ حڪومت جي 3 سالن دوران مختلف شعبن ترقي جي رڪارڊ ٽوڙيو آهي، ڪورونا وائرس جي باوجود ريئل اسٽيٽ سيڪٽر ۾ 494 سيڪڙو، آءِ ٽي جي شعبي ۾ 194 سيڪڙو جيستائين سياحت جي شعبي ۾ 136 سيڪڙو معاشي ترقي ٿي.
.jpg)
