پاکستان سودھے دنیا دے ٻہوں سارے ملکاں اچ ماواں دا جڳ ݙیھاڑ 12مئی کوں منایا ویسی

2025-03-05 17:54:52

اسلام آباد۔8مئی(اے پی پی) پاکستان سودھے دنیا دے ٻہوں سارے ملکاں اچ ماواں دا عالمی ݙینھ ’’ ورلڈ مدرز ڈے ‘‘( 12مئی )کوں منایا ویسی ۔اے ݙینھ مناوݨ دا مقصد ما دے مقدس رشتے دی عظمت واہمیت کوں اجاگر کرݨ تے ما کیتے محبت دے جذبات کوں ودھارا ݙیوݨ اے ۔واضح رہےجو ساریں توں پہلے مد رز ڈے 1908 اچ اینا جاروِس اپݨی ما دی یاد اچ گریفٹن، ویسٹ ورجینیا دےاینڈریو میتھڈسٹ چرچ اچ منایا، جتھاں اڄ انٹرنیشنل مدرز ڈے دی علامت دے طور تے ھک مزار موجود اے۔ اینا جاروِس امریکا اچ مدرز ڈے مناوݨ دی مہم 1905ء اچ ہی شروع کرݙتی ہئی ، جیں سال انہاں دی ما اینا ریوس داانتقال تھیا ہئی ۔ اینا جاروِس امن دی علمبردار ھک ایکٹیوسٹ ہن ، جیڑھی جو امریکن سول وار دے دوران زخمی فوجیاں دی تیمار داری اتے مرہم پٹی کریندیاں ہن ۔ ہر سال ماواں داعالمی ݙینھ مناوݨ سانڳے مختلف ملکاں اچ ھک ݙینھ مختص کائنی۔ پاکستان اتے اٹلی سودھے اے ݙینھ مختلف ملکاں اچ مئی دے ݙوجھے اتوار کوں منایا ویندے جݙاں جو کئی ٻئے ملکاں اچ اے ݙینھ جنوری، مارچ، اکتوبر یا نومبر اچ منا تے ماواں کوں خراج تحسین پیش کیتا ویندے ۔

مضمون کا ماخذ : bolão dupla sena

متعلقہ مضامین