اسلام آباد۔13جولائی(اے پی پی)پاکستان 91 ویں یوم شہداء کشمیر تے کشمیریاں نال اظہار یکجہتی کریندے آکھیے جو پاکستان ہک واری ول بھارت تے ݙیندے جو او بھارت دے غیر قانونی زیر تسلط جموں و کشمیر اچ اپݨی ریاستی دہشت گردی کوں فوری روکے، انسانی حقوق دی خلاف ورزیاں بند کرے اتے سیاسی قیدیاں کوں رہا کرے۔ ترجمان دفتر خارجہ اپݨے بیان اچ آکھیے جو پاکستان انہاں 22 کشمیری شہداء کوں خراج عقیدت پیش کریندے جنہاں 1931 ڈوگرہ فورسز دا مقابلہ کریندے لازوال قربانیاں ݙتن۔ پاکستان دی حکومت اتے عوام اڄ 91 واں یوم شہدائے کشمیر منیندے پن، کشمیری اڄ وی بھارت دے ناجائز قبضے دے خلاف جدوجہد کریندے پن۔ انہاں آکھیا جو اڄ وی 9 لکھ بھارتی قابض فوجی جموں و کشمیر تے ناجائز قبضے سانڳے کشمیریاں کوں بدترین فوجی محاصرے اچ یرغمال ٻݨایا ہوئے۔
