ڪراڪس -28 نومبر (اي پي پي) وينزويلا شام جي گادي واري شهر دمشق جي عالمي هوائي اڏي تي اسرائيل جي هوائي حملي جي مذمت ڪئي آهي. چين جي خابرو اداري مطابق وينزويلا جي پرڏيهي وزارت پنهنجي بيان ۾ اسرائيل جي ڪارروائي کي وچ اوڀر ۾ سياسي ۽ فوجي ڇڪتاڻ پيدا ڪرڻ سان مشابهت ڏني آهي. بيان ۾ چيو ويو آهي، ته امن جي سفارتڪاري ئي انسانيت جو واحد رستو آهي. وينزويلا اسرائيل فلسطين تڪرار جي ٻه رياستي حل ۽ آزاد فلسطيني رياست جي ضمانت بابت گڏيل قومن جي ٺهرائن تي عمل جي حمايت ۾ پنهنجي موقف جو ورجاءُ ڪيو.
