اسلام آباد ۔26جون(اے پی پی)پاکستان دے نوجوان کوہ پیما ساجد سدپارہ 8 ہزار 126 میٹر بلند چوٹی بغیر وادھو آکسیجن دے سر کر تے ہک ٻیا اعزاز اپݨے ناویں کر ڳھدے۔ انہاں پاکستان دی ݙوڄھری اچی چوٹی نانگا پربت بغیر وادھو آکسیجن دے سر کیتی اے۔ نانگا پربت ڄق دا ناواں اچا پہاڑ اے، ساجد سدپارہ 8 ہزار میٹر توں اچیان ساریاں 14 چوٹیاں بغیر وادھو آکسیجن سر کرݨ چاہندن اتے ہݨ تئیں 6 بلند ترین چوٹیاں بغیر مصنوعی آکسیجن سر کر چکین۔ انہاں اپریل اچ نیپال دی 8 ہزار 91 میٹر آلی اچی چوٹی اناپرنا سر کیتی ہئی۔ او ایں توں پہلے بغیر اضافی آکسیجن 3 ݙینھ اتے 18 گھنٹے اچ کے ٹو، گیشربرم ون، گیشربرم ٹو، مناسلو اتے اناپورنا سرکرݨ دا وی ریکارڈ ٻݨا چکین۔ ساجد سدپارہ لیجنڈ کوہ پیما علی سدپارہ دے پتر ہین۔
