اسلام آباد۔5مارچ(اے پی پی) وزیر اعظم دے معاون خصوصی تخفیف غربت اتے سماجی تحفظ فیصل کریم کنڈی پی ٹی آئی حکومت کوں ملک دی معاشی صورتحال دی خرابی دا ذمہ وار قرار ݙیندے ہوئیں آکھیے جو اساکوں تباہ حال معیشت ورثے اچ ملی لیکن اساں ملک کوں ول پٹڑی تے گھن آوݨ دی ذمے واری ڳھدی اے تے اساں ایجھا کرݨ کیتے پرعزم ہیسے،بے ??ظیر انکم سپورٹ پروگرام ( بی آئی ایس پی) توں فیدہ چاوݨ آلے لوکاں کوں ریلیف ݙیوݨ دی حکومتی کوششاں دے مطابق مارچ توں سہ ماہی قسطاں اچ 25 فیصد ودھارا ݙتا ویسی ۔ اتوار کوں پریس کانفرنس توں خطاب کریندے ہوئی?? معاون خصوصی آکھیے بی آئی ایس پی دے تحت پورے ملک اچ 8.9 ملین لوکاں کوں ریلیف ݙتا ویندا پئے تے موجودہ مہانگ دی وجہ توں پاکستانی عوام دی مشکلات کوں سامݨے رکھیندے ہوئیں ترائے مہینے دیاں قسطاں دی رقم ودھاوݨ دا فیصلہ کیتے ۔ انہاں آکھیے حکومت بی آئی ایس پی دے مستحقین کوں یوٹیلٹی سٹورز کارپوریشن دے ذریعے ضروری کھاوݨ پیوݨ دیاں چیزاں تے سبسڈی وی ݙیندی پئی اے جیں دا مقصد معاشرے دے کمزور طبقے کوں ??دھ توں ??دھ ریلیف پڄاوݨا اے ۔ڈائنامک رجسٹری سروے دے حوالے نال ڳالھ مہاڑ کریندے ہوئیں فیصل کریم کنڈی آکھیے گلگت بلتستان اتے آزادجموں و کشمیر سودھے پورے ملک دے سارے ضلعیں اچ سروے دا آغاز کرݙتا ڳئے تاں جو غربت دی لکیر توں تلے زندگی گزارݨ آلے زیادہ مستحقین دی شناخت اتے انہاں دا اندراج کیتا ونڄ سڳے ۔ انہاں آکھیے او سارے لوک جنہاں کنے بی آئی ایس پی کارڈ کائنی او ڈائنامک رجسٹری دفتر دا دورہ کر سڳدن۔ انہاں بی آئی ایس پی ٹیم دیاں کوششاں تے کم دی تعریف کیتی تے آکھیے کہیں وی شکایت دی صورت اچ مستحقین اپݨی شکایتاں ضلعی دفتر اچ درج کراسڳدن تے اساں 24 گھنٹے دے اندر مسئلے حل کرݨ کیتے پرعزم ہیسے۔
.jpg)
