اسلام آباد۔16اگست (اے پی پی) پاکستان بھارت دے غیر قانونی طور قبضے جموں و کشمیر دے ضلع ڈوڈہ اچ بھارتی فوجیاں دے ہتھوں چار کشمیری نینگراں دے قتل دی مذمت کیتی اے۔ ترجمان دفتر خارجہ ممتاز زہرہ بلوچ جمعے کوں پریس بریفنگ اچ آکھیا جو بھارتی قابض حکام دی اے وحشیانہ کاروائی کشمیریاں دے خلاف بھارت دے غیر قانونی اتے جابرانہ کاروائیاں دی ہک مثال اے۔ انہاں آکھیا جو عالمی برادری تے زور ݙیندیں ہوئیں آکھیا جو او بھارت کوں آپݨے غیر قانونی قبضے جموں تے کشمیر اچ انسانی حقوق دی سنگین خلاف ورزیاں کیتے جوابدہ کرے۔ ترجمان آکھیا جو پاکستان اقوام متحدہ دی سلامتی کونسل دی قرارداداں دے مطابق تنازعہ جموں تے کشمیر دے منصفانہ اتے پر امن حل کیتے کشمیریاں دی سیاسی، سفارتی اتے اخلاقی حمایت کریندا رہسی۔
