اسلام آباد۔29جنوری (اے پی پی) پاکستان تے یورپی یونین 100 ملین یوروگرانٹ دے پنج نویں معاہدیں تے دستخط کرݙتن۔ پاکستان اچ یورپی یونین دی سفیررینا کیونکا اتے وزارت اقتصادی امور دے سیکرٹری ڈاکٹر کاظم نیاز گرانٹ معاہدیں تے دستخط کیتن۔ اے معاہدے 2022 دی چھل دے بعد متاثرہ علاقیں دی بحالی تے تعمیر اچ مدد ݙیوݨ دے ضمن اچ یورپی یونین دے عزم دی عکاسی کریندے پئن ۔وزارت اقتصادی اموردے ترجمان ݙسایا جو یورپی یونین دے نویں معاونتی پیکیج دا مقصد چھل دے بعد پاکستان دے متاثرہ علاقیں اچ موسمیاتی لحاظ نال موزوں بحالی اے ، ایں معاونت دے بعد چھل توں متاثرہ علاقیں اچ یورپی یونین دی مجموعی معاونت داحجم 930 ملین یورو توں ودھ تھی ویسی ۔
