کراچی۔3فروری(اے پی پی)وفاقی وزیر برائے ماحولیاتی تبدیلی سینیٹر شیری رحمان آکھیے جو ماحولیاتی تبدیلی نال نمٹݨ کیتے اقوام متحدہ تے حکومت پاکستان وچال تعاون اتے شراکت داری ضروری اے۔ اے ڳالھ انہاں اقوام متحدہ دے انوائرمنٹ پروگرام دے ایگزیکٹو ڈائریکٹر انگر اینڈرسن دی اڳواݨی اچ آوݨ آلے وفد نال ملݨ ویلھے آکھیے۔ انہاں ماحولیاتی تبدیلی، سیلاب متاثرین دی بحالی، تعمیر نو اتے ٻئے معاملیاں تے الایا۔ وفاقی وزیر وفد کوں سیلاب متاثرین، بحالی اتے تعمیر نو دے اقدامات سودھا چیلنجاں بارے ݙسایا جو بحالی سانڳے گرانٹس دی ویلھے تے اتے درست ڄاہ تے منتقلی ضروری اے۔ انگر اینڈرسن ماحولیاتی نظام دی بحالی کیتے اقدامات دی تعریف کریندے یقین ݙیوایا جو حکومت پاکستان نال رل تے کم کرݨ ترجیح اے۔
