کراچی۔14جنوری(اے پی پی) کراچی ڈویژن دے 7 ضعیاں وسطی، شرقی، جنوبی، غربی، کیماڑی، کورنگی اتے ملیر اچ بلدیاتی انتخابات کیتے پولنگ آݙت 15 جنوری کوں تھیسی اتے کراچی دے 25 ٹاؤنز دی 246 یوسیزدے 984 وارڈز اچ بلدیاتی انتخابات کیتے ووٹ پاتے ویسن۔ بلدیاتی انتخابات کیتے چار ہزار 9 سو 90 پولنگ سٹیشن ٻݨائے ڳن۔ ڈویژن اچ پک ہزار چار سو 96 پولنگ سٹیشن ٻہوں حساس قرار ݙتے ڳن۔ ضلع وسطی دے 5 ٹاؤنز اچ 45 یو سیز اچ رجسٹرڈ ووٹرز دی کل تعداد 20 لکھ 76 ہزار73 اے جیندے کیتے 1263 پولنگ سٹیشنز اچ 360 انتہائی حساس، 903 حساس قرار ہین۔ ضلع شرقی دے 5 ٹاؤنز اچ 43 یونین کمیٹیز ہین جتھاں رجسٹرڈ ووٹرز دی تعداد 14 لکھ 54 ہزار 59 اے اتے 799 پولنگ سٹیشنز اچوں 200 انتہائی حساس، 599 حساس قرار ݙتے ڳن۔ کورنگی دے 4 ٹاؤنز دی 37 یوسیز اچ رجسٹرڈ ووٹرز دی تعداد 14 لکھ 15 ہزار 91 اے جتھاں 765 پولنگ سٹیشنز اچ 318 انتہائی حساس، 447 حساس قرار ݙتن۔ ضلع غربی دے 639 پولنگ سٹیشنز اچوں 111 انتہائی حساس، 528 حساس قرار ݙتے ڳن۔ کیماڑی دے 3 ٹاؤنز دی 32 یوسیز اچ رجسٹرڈ ووٹرز 8 لکھ 44 ہزار 851 ہین۔ ضلع ملیر اچ 497 پولنگ سٹیشنز اچ 119 انتہائی حساس، 378 حساس قرار ݙتے ڳن۔ ضلع جنوبی دے ٹاؤنز دی 26 یوسیز اچ رجسٹرڈ ووٹر 9 لکھ 95 ہزار 54 ہین، ضلع جنوبی اچ 480 پولنگ سٹیشنز اچ 224 انتہائی حساس اتے 256 حساس ہین۔
