نیویارک۔22ستمبر (اے پی پی) وزیراعظم محمد شہباز شریف سعودی عرب دے ولی عہد اتے نائب وزیراعظم محمد بن سلمان بن عبدالعزیز السعود نال خمیس کوں ٹیلی فون تے ڳالھ مہاڑ کیتی۔ وزیراعظم شہزادہ محمد بن سلمان کوں سعودی عرب دے 92 ویں قومی ݙینھ تے مبارخ ݙتی۔ وزیراعظم خا دم الحرمین الشریفین شاہ سلمان بن عبدالعزیز اتے سعودی عرب دے عوام کیتے نیک تمناواں دا اظہار کیتا۔ انہاں سعودی عرب دے برادر عوام دی مسلسل ترقی اتے خوشحالی کیتے وی نیک خواہشات دا اظہار کیتا۔ وزیراعظم محمد شہباز شریف ، سعودی ولی عہد کوں پاکستان اچ اڄوکے چھل دی صورتحال اتے امدادی تے بحالی دی جاری کوششاں بارے وی ݙسیا۔ وزیراعظم ”کنگ سلمان ہیومینیٹیرین ایڈ اینڈ ریلیف سینٹر” ولوں چھل دے علاقیاں اچ ݙتی ڳئی امداد، امدادی سامان دی ترسیل کیتے فضائی پل ٻݨاوݨ اتے پاکستان چھل متاثرین کیتے عوام الناس توں عطیات دی وصولی کیتے سعودی عرب اچ ”ساھم” پورٹل دے آغاز تے خادم الحرمین الشریفین دا شکریہ ادا کیتا۔
