اسلام آباد۔28فروری (اے پی پی):صدر مملکت ڈاکٹر عارف علو ی یونیورسٹیاں تے زور ݙتے جو او ملک اچ گریجوایٹس اچ ودھارا تے آن لائن تعلیم دے فروغ کیتے آپݨے تعلیمی نظام دی وسعت اتے موقع اچ ودھارا کرن ، دنیا دی ودھدیاں ضرورتاں تے پورا لہݨ کیتے اعلیٰ تعلیمی نظام اچ آن لائن تعلیم تے توجہ ݙیوݨ دی لوڑھ اے ، اے ڳالھ انہاں سنار کوں سرحد یونیورسٹی آف سائنس اینڈ انفارمیشن ٹیکنالوجی پشاور دے14 ویں کانووکیشن توں خطاب کریندے ہوئیں آکھی اے ۔ صدر مملکت آکھیے جو 2030 تئیں انفارمیشن ٹیکنالوجی دے شعبہ اچ 80 کروڑ گریجوایٹس دی لوڑھ ہوسی ۔ پاکستان کیتے ساریں کوں تعلیم دی فراہمی ، ترقی کیتے کلیدی اہمیت رکھیندی اے ۔آن لائن تعلیم ایں مقصد کوں تکھے حاصل کرݨ دا واحد ذریعہ اے۔ انہاں مصنوعی ذہانت تے کمپیوٹنگ دے صدارتی اقدام کوں اہم قدم قرار ݙتے جیڑھا جو ٹیکنالوجی کوں اپنا تے ملک اچ تعلیم، تحقیق اتے کاروباری نظام کیتے انقلابی ثابت تھی سڳدے ۔ انہاں آکھیے پاکستان اچ نینگراں دی وݙی تعداد اے جیڑھے جو ملک کیتے ترقی دا وݙا ذریعہ ثابت تھی سڳدن ۔
