اسلام آباد – 31 جولاءِ (اي پي پي) اطلاعات ۽ نشريات واري مملڪتي وزير فرخ حبيب لاهور ۾ عارف نظامي جي رهائشگاهه تي وڃي سندس گهرڀاتين سان تعزيت جو اظهار ڪيو. مملڪتي وزير فرخ حبيب چيو ته عارف نظامي صحافت جو هڪ چمڪندڙ ستارو هو، هو مجيد نظامي جي مشن کي اڳتي وڌائيندو رهيو. هن چيو ته عارف نظامي جي بلند درجن ۽ مغفرت جي لاءِ دعا ڪريون ٿا، ڏک جي هن گهڙيءَ ۾ نظامي خاندان سان گڏ بيٺل آهيون. هن چيو ته عارف نظامي جي صحافت جي شعبي ۾ خدمتن کي سدائين ياد رکيو ويندو، الله تعاليٰ عارف نظامي جي مغفرت فرمائي ۽ گهرڀاتين کي صبر جميل عطا فرمائي.
