اسلام آباد۔10اگست(اے پی پی) مسلم لیگ (ن) دے رہنما میاں جاوید لطیف آکھیے جو نواز شریف ستمبردے وسط اچ پاکستان آسن جیں دے بعد ملک دی خوشحالی دا سفر ول شروع تھیسی ،15 مہینے اچ ساݙی حکومت خارجہ امور اتےمعیشت اچ بہتری کیتے اقدامات کیتے تے ملک کوں 2017دا پاکستان بݨاوݨ دا پوری دیانتداری نال کم کیتا مگرسابق دور دا وڳاڑ اتنا ہئی جو اساں ایندے اچ ناکام رہیے ۔ پریس کانفرنس توں خطاب اچ انہاں آکھیے اداریں اچ ٻیٹھے لوکاں ، عوام تے سی پیک دے مخالفین کوں ہݨ احساس تھی چکیے جو 2017آلا پاکستان صرف نواز شریف ہی بݨا سڳدے ،2017دے سارے دے سارے کردار غیرملکی سازش داحصہ ہن ، مسلم لیگ (ن) جمہوری استحکام کیتے ووٹ کوں عزت ݙیو دا نعرہ لاتا جیں توں بعد 15 مہینے اچ پہلے تبدیلی آئی، کجھ طاقتاں پاکستان کوں ایٹمی طاقت بݨاوݨ آلے خلاف تھی ڳیاں ہن کجھ لوک ذوالفقارعلی بھٹو تے نواز شریف کوں مائنس کرݨ آلیاں طاقتاں دے آلہ کار بݨیے ۔ انہاں آکھیے کجھ طاقتاں ہݨ وی چیئرمین پی ٹی آئی کوں بچاوݨ کیتے کوشاں ہن ، انتخابات اچ جیں جماعت دا سی وی چنڳاں ہوسی عوام اونکوں منتخب کریسن ۔
.jpg)
