اسلام آباد ۔ 9 جنوری (اے پی پی) محکمہ موسمیات پہاڑی علاقیں اچ ودھ ساری برف باری دے بعد ملک دے ودھ سارے علاقیں اچ پالے دی شدید لہر مزید 3 توں 4 ڈینھ رہنڑ دی پیش گوئی کیتی ہے جڈاں جو آندے3 ڈینھ دے دوران کراچی سمیت ملک دے ساحلی علاقیں اچ رات دے درجہ حرارت اچ مزید گھٹکی تے آئندہ 3 توں 4 ڈینھ دے دوران پنجاب اتے خیبر پختونخوا دے میدانی علاقیں اچ کورا پوونڑ دا امکان ظاہر کیتا ہے۔سنوار کوں ریکارڈ کیتے گے گھٹ توں گھٹ درجہ حرارت دی رپورٹ دے مطابق مطابق کالام اچ درجہ حرارت منفی 14ڈگری سینٹی ، سکردو اچ منفی 11، کوئٹہ، قلات منفی 10، راولاکوٹ منفی 8، گوپس، استور منفی 7، مری، دیر دالبندین منفی 6، مالم جبہ، پارہ چنار منفی5 ، چترال، بگروٹ، دروش، کاکول منفی 4 ژوب تے گلگت اچ منفی3 ڈگری سینٹی گریڈ ریکارڈ کیتا گیا۔ رپورٹ دے مطابق گزریل 24 گھنٹے دے دوران ملک دے ودھ سارے علاقیں اچ موسم ودھ سارا ٹھڈا تے رکھا رہیا ، تاں جو سیالکوٹ اتے کشمیر اچ کجھ جہیں تے کھمنڑ نال مینھ وسیا تے پہاڑاں تے برف پئی جڈاں جو پنجاب تے سندھ دے میدانی علاقے کوہیڑ دی وکیڑ اچ رہیے ۔ساریں توں ودھ مینھ سیالکوٹ اچ ہک ملی میٹر ،راولا کوٹ اچ ڈو تے کوٹلی اچ منفی ہک ملی میٹر ریکارڈ کیتی گی مری اچ ترائے تے راولا کوٹ اچ ہک انچ برف ریکارڈ کیتی گی ۔محکمہ موسمیات دے مطابق آندے 24گھنٹے دے دوران ملک دے ودھ سارے علاقیں اچ موسم ٹھڈا تے رکھا رہسی تاں جو کشمیراتے ایندے نیڑے علاقیں اچ کجھ جہیں تے برف باری دا امکان ہے جڈاں جو پنجاب تے کے پی کے دے میدانی علاقے تے سندھ اچ رات تے سویل دے ویلھے کوہیڑ دا سلسلہ جاری ہسی ۔
